Nýsköpunarmennt í grunnskóla

Þann 8.ágúst sl var haldið í Fræðslusetri Vestfjarða námskeiðið Nýsköpunarmennt í grunnskóla. Kennari var Svanborg R Jónsdóttir en

þátttakendur voru frá Hólmavík, Þingeyri og Ísafirði og gengu þeir allir í FÍKNF að loknu námskeiði. Flestir þátttakenda ætla að prófa að kenna nýsköpunarmennt í sínum skólum í vetur og verður spennandi að fygljast með árangri þeirra.

Tíran - námskeið

Dagana 20. til 22 júní var námskeið fyrir grunn- og framhaldsskólakennara þar sem þeir kynntu sér nýtt námsefni í frumkvöðla- og nýsköpunarmennt, þ.e. kennslubókina Tíran. Höfundar bókarinnar Svanborg R Jónsdóttir, Örn Daníel Jónsson og Rósa Gunnarstóttir stóðu fyrir námskeiðinu sem var haldið í boði Viðskipta- og Hagfræðideildar Háskóla Íslands. Þátttakendur komu frá Grunnskólanum í Mýrdalshreppi, Njarðvíkurskóla, Hallormstaðarskóla, Menntaskólanum í Kópavogi og Fjölbrautarskólanum við Ármúla.

Skipulega var farið í hvern kafla bókarinnar og áherslur hennar skýrðar ásamt því sem verkefni voru unnin. Hér er Örn Daníel Jónsonað flytja fyrirlestur sinn um sviðsmyndagreiningu en hún var túlkuð á ansi skemmtilegan hátt af einum þátttakenda sem ferð til fyrirheitnalandsins.

Í lok námseiðsins fluttu þátttakendur stutta kynningu á námsáætlunum sem þeir ætla að styðjast við í nýsköpunar- og frumkvöðlakennslu sinni næsta vetur. Gert er ráð fyrir skólaheimsóknum á vegum þess hóps sem hittist á námskeiðinu og er markmið þeirra að vekja athygli á þessum málum í skólakerfinu.

Glaðbeittur hópurinn stillti sér upp fyrir aftan uppáhalds bollana sína í lok námskeiðs .

Skrár tengdar þessari bloggfærslu:

• Skipulag vetrarins
• Fyrsti hluti Tírunnar
• Tíðarandagreining og fleira

Til hamingju

Til hamingju starfsmenn Digranesskóla! Gott framtak hjá skólanefnd Kópavogs að veita því eftirtekt sem vel er gert í skólastarfinu .

Digranesskóli fær hvatningarverðlaun

Nýsköpunarkeppni grunnskólanna 2007 - fyrsta val hugmynda

Í dag fór fram fyrsta val á þeim hugmyndum sem nemendur sendu inn í Nýsköpunarkeppni grunnskólanna. Unnið var í hópastarfi við að meta þær 3000 hugmyndir sem bárust keppninni og oft reyndist erfitt að gera upp á milli. FÍKNF skaffaði tvo fulltrúa í starfshópinn sem vann sleitulaust frá 13-17 í húsnæði Háskólans í Reykjavík að Ofanleiti 2 við að flokka, telja og velja úr. Vert er að geta þess að Félag íslenskra kennara í nýsköpunar- og frumkvöðlamennt (FÍKNF) og Nýsköpunarkeppni grunnskólanna (NKG) hafa gert með sér samstarfssaming sem skuldbindur FÍKNF til að útvega mannskap í þá ærnu vinnu sem fylgir keppni sem þessari. Í dag var saman komið fólk af ólíkum skólastigum, þ.e. grunnskóla, framhaldsskóla og háskóla en Háskólinn í Reykjavík er meðal þeirra aðila sem standa á bak við Nýsköpunarkeppni grunnskólanna í ár. Segja má að fundur okkar í dag sé kjörinn vettvangur fyrir kennara af ólíkum skólastigum til að hittast og starfa saman. Á myndinni í fremri röð f.v. er: Svanborg Jónsdóttir, Jónheiður Ísleifsdóttir, Hildur Tryggvadóttir, Elínóra Inga Sigurðardóttir. Í aftari röð f.v. er: Guðvarður Halldórsson, Rósa Gunnarsdóttir, Gestur Gunnarsson, Halldór Svavarsson, Róbert Ferdinandsson, Leifur Þorleifsson, Ólafur Sveinn Jóhannesson og Ágúst Valfells.

Niðurstöður úr málstofum

Málstofa A 

Í málstofu A var þeirri spurningu velt upp hvort FÍKNF skildi veita hvatningarverðlaun í nýsköpunar- og frumkvöðlamennt. Það er hlutverk FÍKNF að veita því sem vel er gert í frumkvöðla- og nýsköpunarmennt eftirtekt en verðlaun sem þessi gætu stuðlað að því.

 

Rætt var um það hverjir ættu að fá nýsköpunar- og frumkvöðlaverðlaun FÍKNF og hvaða kvarðar skyldu liggja að baki? Þú hugmynd var reifuð að verðlaunin væru veitt kennurum og yrði skipt í þrjá flokka: Einn ætlaður þeim sem hafa siglt á móti straumnum og reynt, annar til þeirra sem eru komnir á skrið og þriðji til þeirra sem hafa slegið í gegn, leiða vagninn og eru verðugar fyrirmyndir fyrir þá sem vilja feta í fótsporin. Skólayfirvöld eða skólar gætu einnig verið útnefndir til þessara verðlauna en þá væri áhersla lögð á þá jákvæðu menningu sem styður við bakið á kennslu í nýsköpunar- og frumkvöðlamennt. Þarna væri hægt að taka hlutlæga mælikvarta til viðmiðunar eins og hversu margar kennslustundir á viku sé ráðstafað í greinina, hvaða þróunarvinnu eða sérverkefni hefur skólinn lagt út í, hvaða verkefni hefur skólinn tekið þátt í, hvernig styður skólanámsskráin á bak við nýsköpunar- og frumkvöðlamennt o.s.frv.

 

Það kom fram að verðlaunin skyldu ná til allra skólastiga. Skólar yrðu að sækjast um tilnefningu og meta sig eftir þeim kvörðum sem settir yrðu upp.

 

Hilmar Friðjónsson leiddi málstofuna en hann er kennari í Verkmenntaskólanum á Akureyri og hefur kennt þar frumkvöðlafræði með góðum árangri. Á vorönn 2006 fékk hópur sem hann kenndi í samstarfi við Junior Achievement á Íslandi verðlaun fyrir besta fyrirtækið en það framtak rataði í Kastljósþátt Ríkissjónvarpsins.

 

Vel heppnuð ráðstefna FÍKNF

Félag íslenskra kennara í frumkvöðla- og nýsköpunarmenntunar hélt sínu árlegu ráðstefnu þann 23. mars sl. og þótti vel til takast.  Ólafur Proppe rektor Kennaraháskólans reið á vaðið og setti ráðstefnuna með fróðlegu erindi um þýðingu menntunar í nýsköpunarstarfi. Fundastjórn var í höndum formanns FÍKNF Svanborgu R. Jónsdóttur en í kynningum hennar voru ansi fróðlegar upplýsingar um menntunar bakgrunn ræðumanna og stjörnumerki svo fátt eitt sem sé nefnt (sjá hér).

 

Kristín Ingólfsdóttir rektor Háskóla Íslands og Þorgerður Katrín Gunnarsdóttir menntamálaráðherra stigu saman í pontu en ávarpi Þorgerðar var flýtt þar sem hún þurfti að fara á áríðandi fund til Víkur í Mýrdal.

 

Að lokinni þessum erindum var kennslubókin Tíra afhent Ólafi, Kristínu og Þorgerði en sú bók er ætluð til kennslu í frumkvöðla- og nýsköpunarmenntar í grunn- og framhaldsskólum.

 +

Jón Hördal hélt síðan áhugavert erindi um skólakerfi í sýndarveraleika en hugmyndir hafa vaknað að stofna skóla í tölvuleiknum Eve-online. Margvísleg starfsemi er stunduð í þessum sýndarveruleika leikendur leikjarins Eve-online hafa stofnað með sér samfél og hittast utan hans í "kjötheimum" ásamt því að stofna hefur verið til rekstrar þar sem boðið er upp á raunveruleg verðmæti sem flýta fyrir framgangi þeirra sem spila í leiknum. Það er hægt að stunda margvíslegar athuganir og rannsóknir í tengslu við skólastarf. Jón Hördal reifaði einnig þá möguleika að stofna til rekstrar í tengslum við Eve-online þar sem hægt er stunda viðskipti í heimi sem er "nógu raunverulegur".

 

Róbert Ferdinandsson og Daníel Örn Jónsson skýrðu starfsemi FÍKNF og svo var tekinn góður kaffitími þar sem fólk skiptist á skoðunum. Þátttakendur skiptu sér síðan niður á þær málstofur sem voru í boði. Að málstofunum loknum voru bornar fram dýrindis veitingar í boði Menntamálaráðuneytisins og FÍKNF.

 

Félag íslenskra kennara í nýsköpunar- og frumkvöðlamennt (FIKNF) kynnir málþingið:

 

SKÖPUNARKRAFTUR SKÓLANNA

Haldið í Kennaraháskóla Íslands V / Stakkahlíð 23. mars 2007 Kl: 13:00 – 17:00 

Dagskrá:

1.         12:45 -13:15  Skráning.

2.         13:15 -13:25  Setning.  Kristín Ingólfsdóttir rektor Háskóla Íslands og Ólafur Proppé rektor Kennaraháskóla Íslands setja ráðstefnuna.

3.         13:30 -14:10  Skapandi skólasamfélag á netinu  Jón Hörðdal CCP.

4.         14:10 -14:25  Starfsemi FÍKNF: Róbert Ferdinandsson og Örn D. Jónsson.

            14:30-14:55  Kaffihlé. 
 

5.         Málstofur: 15:00- 15:40

          A. Mótun hugmynda um hvatningarverðlaun fyrir nýsköpunar- og

  frumkvöðlamennt í skólum: Hilmar Friðjónsson kennari í VMA stjórnar.

          B. Stefnumótun og áherslur í nýsköpunar- og frumkvöðlamennt í

     skólakerfinu: Dr. Rósa Gunnarsdóttir menntamálaráðuneytinu stjórnar.

          C. Tengsl skóla og atvinnulífs til eflingar nýsköpunar- og

  frumkvöðlamenntunar í íslenskum skólum: Harpa Magnúsdóttir  nýsköpunarkennari í Njarðvíkurskóla stjórnar.
    

6.                 15:45-15:55   Niðurstöður úr málstofum dregnar saman.

7.                 16:00  Ávarp menntamálaráðherra Þorgerðar Katrínar Gunnarsdóttur.

8.                 17:00  Málþingsslit.
 

Veitingar í boði Menntamálaráðuneytis

Fundastjóri Svanborg Jónsdóttir formaður FIKNF

Sköpunarkraftur skólanna

Nú er unnið hörðum höndum við undirbúning ráðstefnu FÍKNF sem mun bera heitið Sköpunarkraftur skólanna. Nýjustu drög af dagskrá eru sem hér segir:

Dagskrá:
1. Skráning þátttakenda. 2. Setning. 3. Skapandi skólasamfélag á netinu (CCP) 4. Starfsemi FÍKNF: Róbert Ferdinandsson og Örn Daníel

Kaffihlé

Málstofur:
A.  Mótun hugmynda um hvatningarverðlaun fyrir nýsköpunar- og
frumkvöðlamennt í skólum: Hilmar Friðjónsson kennari í VMA stjórnar.

B.  Stefnumótun og áherslur í nýsköpunar- og frumkvöðlamennt í
skólakerfinu: Dr. Rósa Gunnarsdóttir Menntamálaráðuneyti stjórnar.

C.  Tengsl skóla og atvinnulífs til eflingar nýsköpunar- og
frumkvöðlamenntunar í íslenskum skólum: Harpa Magnúsdóttir nýsköpunarkennari
í Njarðvíkurskóla stjórnar.
   
D.  Niðurstöður úr málstofum dregnar saman.

Stjórnina fýsir að vita hversu margir verða á ráðstefnunni og í þeim tilgangi eru þið beðin um að taka þátt í skoðanarkönnun hér til hliðar á síðunni.

Stjórnarfundur FÍKNF

Í dag var haldinn stjórnarfundur í Félagi íslenskra kennara í nýsköpunar og frumkvöðlamennt. Tilgangur fundarins var að undirbúa dagskrá málþings félagsins sem verður þann 23. mars nk. Fundarmenn fóru í hugarflug um heiti ráðstefnunnar og efni hennar nánar útfært. Ljóst er að ráðstefnan verður í Kennaraháskólanum (v. Bolholt) og unnið verður í vinnustofum (workshop).

Í hvaða framhaldsskólum er frumkvöðlafræði kennd á þessari önn?

Á síðasta stjórnarfundi FÍKNF sem haldinn var 7. janúar sagði einn stjórnarmaður frá upphringingu kennara sem var að fara að kenna frumkvöðlafræðslu í framhaldsskóla. Hann spurði hvar á landinu væri verið að kenna fagið á þessari önn en meintur stjórnarmaður vissi hreinlega ekki svarið. Í tengslum við þessa fyrirspurn datt okkur í stjórn FÍKNF að það þyrfti að vera til gagnvirk fréttaveita sem segði frá hvað væri að gerast í nýsköpunar- og frumkvöðlamálum í skólakerfinu. Ákveðið var að FÍKNF héldi vefdagbók þar sem áhugasamir félagsmenn gætu tekið þátt í umræðu, sagt frá því hvað væri að gerast hjá sér í kennslunni og jafnvel sýnt ljósmyndir af starfinu. FÍKNF vill styðja á bak við þá nýsköpunar- og frumkvöðlakennara sem eru að gera góða hluti og skapa grundvöll fyrir því að þeir deili með sér þeirri þekkingu og þeirri reynslu sem safnast hefur upp í greininni (knowledge sharing).